Mga Kababayan, Assalamu Alaykum Warahmatullahi Wabarakatuh. Madayaw ug maayong adlaw kaninyong tanan. Magandang araw sa inyong lahat.

Isang mapagpalang Buwan ng Wikang Pambansa sa ating lahat!

Ang ating wika ang kaluluwa ng ating kultura, tulay ng ating pagkakaisa, at salamin ng ating kasaysayan.

Ngayong taon, binigyang-diin natin ang temang: “Wikang Filipino at AI: Kasangkapan sa Pananaliksik at Tulay sa Yaman ng Impormasyon.” Sa pagpasok ng makabagong teknolohiya, siguruhin natin na ang ating pambansang wika ay hindi naiiwan—kundi nananatiling sandata sa karunungan at digital na inobasyon.

Ito ang landas tungo sa ating pangarap—isang bansa kung saan ligtas, edukado, at may magandang kinabukasan ang bawat bata at walang pamilyang naiiwan sa kahirapan.

Para sa ating mga kababayan at mga OFW, alam kong walang hihigit sa kapanatagan na marinig ang ating sariling wika sa dayuhang lupain. Ang ating wika ang inyong tahanan, saanman kayo mapadpad.

Kaya naman, sabay-sabay nating ipagdiwang ang ating pagka-Filipino gamit ang tinig na nagbibigay-buhay sa ating lahi saan man tayo sa mundo.

Mabuhay ang Wikang Pambansa!

SARA Z. DUTERTE Vice President of the Philippines