OFFICE OF THE VICE PRESIDENT

MEDIA RELEASE 18 January 2026

MENSAHE NG PANGALAWANG PANGULO SA PAGDIRIWANG NG SINULOG

Assalamu Alaykum Warahmatullahi Wabarakatuh! Madayaw ug maayong adlaw kaninyong tanan. Magandang araw sa inyong lahat.

Kinasingkasing akong nakig-uban sa atong mga kaigsoonang Sugbuanon sa pagsaulog sa Sinulog 2026 — usa ka mabulukon nga pagpamatuod sa atong lig-ong pagtuo ug walay kinutubdan nga pagpasalamat sa Mahal nga Sto. Niño.

Ang diwa sa Sinulog labaw pa sa kasadya, kini usa ka pahinumdom sa pagpaubos, hugot nga pagtuo, ug matinud-anong gugma sa Ginoo.

Sa matag indak ug pag-ampo, atong gipadayag ang paglaum ug panaghiusa nga naghatag og kusog sa atong pagka-Pilipino.

Hinaot nga kining maong selebrasyon magsilbing inspirasyon aron padayon natong palamboon ang atong pagtuo, ipasigarbo ang atong kultura, ug magkahiusa alang sa usa ka mas mauswagon ug bulahan nga Pilipinas.

Pit Señor! Viva Sto. Niño!

Mahalin natin ang Pilipinas—para sa Diyos, sa Bayan, at sa bawat Pamilyang Pilipino.

Shukran.

SARA Z. DUTERTE Vice President of the Philippines